Arropen zaintza
Gogoratu zein garrantzitsua den lortzen dugun arropa pieza bakoitzaren garbiketa pausuak jarraitzea. Atal honetan, zure arropak xehetasunez nola garbitu azaldu dizugu, hauen bizitza luzatu dezazun urteetan zehar.
Kotoi organikoz eginiko piezak
Gur Banako kamiseta, Pikis kirol-jertsea eta Agintari shopper bag-a kotoi organikoz eginak daude. Hemen dituzue jarraitu beharreko pausuak:
- Ur hotzarekin garbitu, gehienez 30ºC.
- Garbigailua erabiltzen baduzu, programaketa motzak erabiltzea gomendatzen dizugu, arropa delikatuentzat diseinatuak.
- Lixiba eta detergente agresiboen erabilera ekidin.
- Piezak azpikoz gain jartzea komeni da, garbitzeko zein lehortzeko, baita plantxatzeko ere. Honela hauen kolore eta ehudura hobeki mantenduko da. Itzalean esekitzea ere komenigarria da eguzkiaren izpi zuzenak ekiditeko.
- Saiatu aire librean sekatzen, lehorgailua ekidinez.
Biskosa jasangarria
Biskosa jasangarriz eginiko piezek garbiketa pauta bereziak behar dituzte. Gure Agintari alkandora garbitzeko hurrengo pausuak jarraitu behar zenituzke:
- Eskuz garbitzen saiatu ur hotzetan eta detergete leun batekin.
- Inoiz ez bihurritu edo xukatu pieza.
- Garbigailuan sartu nahi baduzu, oihalezko zakutxo baten barruan sartu eta programa delikatua erabili.
- Garbitu ostean, pieza astindu eta hezetasuna harreta handiz kendu.
- Ez erabili lehorgailurik!
- Alkandora lixatu nahi baduzu, oraindik hezetasun pixkat duenean egin.
Kurpoa
Kurpoa oso material moldakor eta iraunkorra da. Oso zaintza erraza du. Batido gona garbitzeko hurrengo pausuak jarrai ditzakezu:
- Programa delikatuan garbitu
- Pertxa batean zintzilikatuta lehortzea gomendatzen da.
Zeta
Zeta, zaintza berezia behar duen lehengai natural bat da. Luzatu ezasu Lau Arin, Arin eta Sokaren bizitza zaintza egoki batekin:
- Zure piezak eskuz, detergente leunaz eta ur hotzaz garbitu.
- Astindu pieza urpean leunki eta xukatu bihurritu gabe.
- Pieza aire librean lehortu eguzkiak zuzenki jotzen ez diola ziurtatuz.
- Lurrunik gabe lisatu tenperatura baxuan.